USD87.45EUR96.10RUB1.06
24.kg

Робототехника боюнча мектеп окуучуларынын Stem first улуттук олимпиадасы өттү

10:14, 07 февраля 2024, Бишкек - 24.kg

Робототехника боюнча мектеп окуучуларынын «Stem first» биринчи улуттук олимпиадасы өттү. Бул тууралуу Билим берүү жана илим министрлиги билдирди.

Маалыматка ылайык, аталган олимпиадага 6 жаштан 16 жашка чейинки 160 окуучу катышты. 6 жаштан 10 жашка чейинки окуучулар FIRST LEGO League Explore категориясы, 10 жаштан 16 жашка чейинкилер FIRST LEGO League Challenge категориясы боюнча ат салышты.

Олимпиаданын жүрүшүндө кызыктуу робот мелдештери жана көрсөтмө оюндар өткөрүлүп, ар түрдүү категориядагы командалар инновациялык долбоорлорду презентациялашты жана коргошту.

«Олимпиаданын негизги максаты — технологиялык жана инновациялык сабаттуулукту өркүндөтүү, сынчыл ой жүгүртүүнү өнүктүрүү, окуучулардын программалоо көндүмдөрүн жана чыгармачылыгын өнүктүрүү, ошондой эле Кыргыз Республикасында STEM мектеп жамаатын түзүү», — деп айтылат маалыматта.

Белгилей кетсек, олимпиада Билим берүү жана илим министрлиги тарабынан Европа Биримдигинин жана «Маариф» билим берүү комплексинин колдоосу менен уюштурулду.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18