USD87.45EUR96.10RUB1.06
24.kg

Садыр Жапаров УКМК академиясын түзүү жөнүндө жарлыкка кол койду

14:36, 06 февраля 2024, Бишкек - 24.kg

Улуттук коопсуздук мамлекеттик комитетинин кесиптик кайра даярдоо жана квалификациясын жогорулатуу институтунун базасында генерал-лейтенант Анарбек Бакаев атындагы УКМК академиясы түзүлөт. Тиешелүү жарлыкка Кыргызстандын президенти Садыр Жапаров 2024-жылдын 30-январында кол койгон.

Документ «Эркин-Тоо» гезитине 2-февралда жарыяланган.

Жарлыкта УКМК академиясын түзүү тууралуу чечим улуттук коопсуздук органдары үчүн жогорку квалификациялуу адистерди, башкаруучу жана илимий-педагогикалык кадрларды даярдоонун бирдиктүү системасын түзүү, Кыргызстандын улуттук коопсуздугун камсыз кылуу маселелери боюнча илимий-изилдөө базасын кеңейтүү үчүн кабыл алынганы белгиленген.

УКМК академияны каттоодон өткөрүп, анын уставын бекитүүгө тийиш.

Эске салсак, УКМК академиясынын имаратынын пайдубалына мезгил кутусу 2022-жылдын март айында салынган.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18