USD87.45EUR96.10RUB1.06
24.kg

Бишкекте төрөт учурунда келин каза болду. Министрлик иликтөө жүргүзүп жатат

16:29, 05 февраля 2024, Бишкек - 24.kg

Бишкектеги № 4 төрөт үйүндө (шаардык перинаталдык борбор) кесарево учурунда келин көз жумду. Маалыматты 24.kg агенттигине Саламаттык сактоо министрлигинин башкы гинекологу Раиса Асылбашева тастыктады.

Анын айтымында, келин төрөт борборуна кош бойлуулуктун 41-жумасында оор преэклампсия менен кайрылган. «Ал оор абалда шишик менен түшкөн, заарасында белок болгон. 5-февраль күнү эртең менен операцияга киргизилген, анткени балага да, аялдын ден соолугуна да коркунуч жаралган. Операция учурунда бардык реанимациялык иш-чараларга карабастан каза болду», — деди Раиса Асылбашева.

Бул маркумдун үчүнчү төрөтү болгон.

Раиса Асылбашеванын айтымында, баланын абалы оор, учурда жандандыруу бөлүмүндө.

Саламаттык сактоо министрлиги окуя боюнча кызматтык иликтөө жүргүзүп жатат.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18