USD87.45EUR96.10RUB1.06
24.kg

ЖЭБдеги авария. Өрттү өчүрүүгө алты күжүрмөн эсеп тартылды

09:58, 02 февраля 2024, Бишкек - 24.kg

Жылуулук электр борборундагы жарылуудан чыккан өрттү өчүрүүгө алты күжүрмөн эсеп тартылды. Бул тууралуу Өзгөчө кырдаалдар министрлигинин басма сөз кызматы билдирди.

Маалыматка караганда, өрт кырсыгы тууралуу маалымат түшкөндөн кийин саат 3:06да алты күжүрмөн эсеп жана штаб тартылган.

«Тилсиз жоо саат 04:55те чектөөгө алынып, саат 05:05те толук өчүрүлгөн. Кырсыктын кесепетинен ЖЭБдин үч кызматкери жабыркап, алар тез жардам кызматы менен шаардык ооруканага жеткирилген» — деп билдирди министрлик.

Буга чейин Бишкек жылуулук электр борборунда түндө жарылуу болгону кабарланган. Алдын ала маалыматтар боюнча, жылытуучу казандардын бири жарылган. Жарылууга эмне себеп болгону азырынча белгисиз. Беш адам жабыркап, үчөөсү ооруканага жаткырылды. Борбор калаадагы мектептер жана бала бакчалар онлайн окутууга которулду.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18