USD87.45EUR96.10RUB1.06
24.kg

Өзбекстанда бир үй-бүлөнүн алты мүчөсү иске ууланып каза болду

10:09, 29 января 2024, Бишкек - 24.kg

Өзбекстандын Фергана облусунун Маргилан шаарында алты адам иске ууланып каза болду. Бул тууралуу Өзбекстандын Башкы прокуратурасынын басма сөз кызматы билдирди.

Маалыматка караганда, 26-январда Ватан маалесиндеги көп кабаттуу үйлөрдүн биринде 57 жана 54 жаштагы жубайлар, 30 жаштагы кызы жана 7, 5, 3 жаштагы неберелери кайтыш болгон.

Текшерүү көрсөткөндөй, мештин мору туура эмес орнотулуп, натыйжада үйгө уулуу газ толуп калган. Алдын ала соттук-медициналык экспертизанын корутундусу өлүмдүн себебин иске катуу уулануу деп ырастоодо. Учурда тергөө иштери жүрүп жатат.

Былтыр декабрдын ортосунда Каракалпакстандын Чимбай районунда иске ууланып бир үй-бүлөнүн беш мүчөсү каза болгон. Дагы эки адам оор абалда ооруканага жаткырылган. Ушул эле күнү Жаңы-Наманган аймагында бир үй-бүлөнүн төрт мүчөсү көмүр кычкыл газына ууланып көз жумганы кабарланган. Октябрдын аягында Самарканд облусунун Акдарыя районунда үч адамдан турган үй-бүлө иске ууланып мерт болгон.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18