USD87.45EUR96.10RUB1.06
24.kg

ЖАКтын кызматкерлери убактылуу кармоочу жайдан депутатка чалган адамды табышты

12:43, 25 января 2024, Бишкек - 24.kg

Жазаларды аткаруу кызматы Жогорку Кеңештин депутаты Нуржигит Кадырбековго телефон чалган адамды тапты. Бул тууралуу мекеменин басма сөз кызматы билдирди.

Маалыматка ылайык, ал № 21 мекемесинде кармалып жаткан айыпталуучу экени аныкталды. Тинтүү учурунда уюлдук телефон табылган.

«Факт боюнча ЖАКтын ички иликтөө кызматы № 21 мекемесинин кызматкерлерине карата кызматтык иликтөө баштады. Айыпталуучу айып изоляторуна киргизилди», — деп айтылат маалыматта.

Буга чейин парламенттин жыйынында Нуржигит Кадырбеков ага убактылуу кармоочу жайда отурган адам чалып, ага байланыштуу эч кандай тергөө иштери жүргүзүлбөй жатканына нааразы болгонун айткан.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18