USD87.45EUR96.10RUB1.06
24.kg

PISA тестине даярдык көрүү боюнча материалдар интернетке жайгаштырылды

10:33, 25 января 2024, Бишкек - 24.kg

PISA тестине даярдык көрүү боюнча материалдар Билим берүүнүн сапатын баалоо жана маалыматтык технологияларынын улуттук борборунун расмий сайтына жайгаштырылды. Бул тууралуу Билим берүү жана илим министрлиги билдирди.

«Мугалимдер жана ата-энелер үчүн тесттердин түрү жеткиликтүү түрдө жайгаштырылган, аларды пайдалануу менен балдар менен чогуу PISA тестине даярдык көрүүгө бардык шарттар түзүлгөн. 2025-жылы Кыргызстандын 15—16 жашка чейинки окуучулары PISA-2025 эл аралык изилдөөсүнө катышат. Ал эми мугалимдер окуучулардын функционалдык сабаттуулугун тынымсыз өнүктүрүүгө умтулушу керек, бул мектептердеги билим берүүнүн сапатын жогорулатуу менен түздөн-түз байланыштуу», — деп айтылат маалыматта.

2025-жылы изилдөөгө катышуу үчүн кайсы мектептин окуучулары тандалып алынары белгисиз, андыктан өлкөнүн бардык мугалимдери жана окуучулары тесттерди билиши жана тапшырууга даяр болушу маанилүү.

PISA (Programme for International Student Assessment) — окуучулардын билимдеги жетишкендиктерин баалоонун эл аралык программасы. 2025-жылы өтүлүүчү PISA сынагына болжол менен 100 өлкөнүн катышуусу күтүлүүдө.

Кошумча маалыматтарды ссылка аркылуу өтүп, алса болот.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18