USD87.45EUR96.10RUB1.06
24.kg

Кытайда дагы эки жолу жер титирөө болуп, алар Кыргызстанда да сезилди

10:44, 24 января 2024, Бишкек - 24.kg

Кыргызстандын Сейсмология институтунун маалыматына ылайык, 24-январда саат 01:11де Кытай Эл Республикасынын аймагында күчү 2,5 баллга жеткен жер титирөө катталды. Бул тууралуу Өзгөчө кырдаалдар министрлиги билдирди.

Жердин силкинүүсү Ысык-Көл облусунун Жети-Өгүз районунун Ыштык айылында, Тоң районунун Кажы-Сай айылында 2,5 баллага чейин сезилген.

«Ошондой эле жер титирөө Кытай Эл Республикасында саат 02:38де кайталанып, күчү 6,5 баллга жеткен. Жети-Өгүз районунун Ыштык, Кара-Сай, Бедел, Ак-Шыйрак айылдарында 3 баллга чейин сезилген», — деп айтылат маалыматта.

Жер титирөөдөн жабыркагандар жана кыйроолор катталган жок.

Учурда республиканын жер титирөө катталган аймактарында Өзгөчө кырдаалдар министрлигинин кызматкерлери жарандык коргонуу комиссиясы менен биргеликте тактоо иштерин жүргүзүүдө.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18