USD87.45EUR96.10RUB1.06
24.kg

Алымкадыр Бейшеналиев тиш догдурда чарчап калган кыздын туугандары менен жолукту

09:23, 19 января 2024, Бишкек - 24.kg

Саламаттык сактоо министри Алымкадыр Бейшеналиев КММАнын медициналык борборунун стоматологиялык бөлүмүндө операция учурунда чарчап калган үч жашар кыздын туугандары менен жолугушту. Бул тууралуу мекеменин басма сөз борбору билдирди.

Министр кыздын жакындарына көңүл айтып, туугандарынын суранычтарын жана жүйөлөрүн укту. Алымкадыр Бейшеналиев медициналык жардам көрсөткөн борбордун директору, башчысы, врач-анестезиолог, врач-стоматолог иштен алынганын белгиледи. Ал күнөөлүүлөр мыйзам боюнча жазаланарын билдирди.

Алымкадыр Бейшеналиев чарчап калган кыздын жакындары менен жолукту

«Саламаттык сактоо министрлиги комиссия түзүп, ал укук коргоо органдарына мындан аркы чечимдерди кабыл алууда сунуштарды берди. КММАнын медициналык борборунун стоматологиялык бөлүмү жабылды, алгач жардам сурап кайрылган жеке стоматологиялык клиника да иштебейт», — деди мекеменин башчысы.

Эске салсак, кызга жалпы наркоз берилгенден кийин ал чарчап калган. Милиция кылмыш ишин козгоп, Саламаттыкты сактоо министрлиги бул иш боюнча комиссия түздү.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18