USD87.45EUR96.10RUB1.06
24.kg

2023-жылы Кыргызстанда мыйзамсыз жүгүртүүдөн 6,6 тоннадан ашык баңгизат алынган

11:26, 17 января 2024, Бишкек - 24.kg

2023-жылы Кыргызстандын ички иштер органдары тарабынан мыйзамсыз жүгүртүүдөн 6 тонна 680 килограмм баңги каражаттары, психотроптук заттар жана прекурсорлор алынган. Бул тууралуу ИИМдин басма сөз кызматы билдирди.

Маалыматка ылайык, 1 миң 314 баңги кылмышы аныкталып, өсүмдүк жана синтетикалык баңгизаттарды мыйзамсыз өндүрүүчү 12 жашыруун лабораториялар жоюлган. 84 кылмыштуу баңги топтун ишмердүүлүгүнө бөгөт коюлуп, издөөдө жүргөн 120 адам кармалган. Баңгизатка байланыштуу кылмыштар боюнча 95 адам жоопкерчиликке тартылган.

Мындан тышкары, баңгизатын мыйзамсыз жүгүртүүдөн алынган 15 миллион сомдон ашык кирешени легалдаштыруу фактылары аныкталып, кылмыш иштеринин алкагында маңзат сатуучулардын эки турак-жайы жана төрт унаасы алынган.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18