USD87.45EUR96.10RUB1.06
24.kg

Бишкектеги № 2 төрөт үйүндө 22 жаштагы келин каза болду

10:18, 16 января 2024, Бишкек - 24.kg

Бишкектеги № 2 төрөт үйүндө эгиз төрөгөн 22 жаштагы келин каза болду. Бул тууралу маалыматты 24.kg басылмасына Саламаттык сактоо министрлигинин медициналык жардам жана дары-дармек саясаты башкармалыгынын башкы адиси Раиса Асылбашева тастыктады.

Анын айтымында, келиндин өлүмү 15-январда таңда катталган.

«Борбор калаанын тургунунун биринчи кош бойлуулугу болуп, кесарево жолу менен шашылыш төрөгөн. Операциядан кийинки алгачкы мезгил өзгөчөлүктөрсүз өтүп жаткан, бирок үчүнчү-төртүнчү күнү күтүлбөгөн жерден мындай болду. Келип түшкөндөгү диагнозу: «оор преэклампсия». Балдар курсагында кыйналып, түйүлдүктүн кызыкчылыгы үчүн аял 34-жумада төрөтүлгөн. Балдар айына жетпей төрөлгөн, алар дарыгерлердин көзөмөлүндө», — деди Раиса Асылбашева.

Ал аял каттоодо туруп, такай текшерилип турганын, адистер экспертизанын жыйынтыгын күтүп жатышканын белгиледи. 

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18