USD87.45EUR96.10RUB1.06
24.kg

«ПолитКлиника» жана Тemirov Live каналынын журналисттеринин үйүндө тинтүү болду

09:30, 16 января 2024, Бишкек - 24.kg

Temirov Live каналынын учурдагы жана мурдагы сегиз кызматкеринин үйлөрү тинтүүгө алынды. Бул тууралуу иликтөөчү журналист Болот Темиров Facebook баракчасында билдирди.

Анын айтымында, алардын арасында басылманын директору Махабат Тажибек кызы (Болот Темировдун жубайы), Сапар Акунбеков, Азамат Ишенбеков, Максат Тажибек уулу, Сайпидин Султаналиев жана башкалар бар.

Болот Темиров укук коргоо органдарынын кызматкерлери тинтүү иштерин жүргүзүү үчүн басылманын кеңсесине баратканын кошумчалады.

Ошондой эле «ПолитКлиниканын» журналисти Тыныстан Асыпбектин үйүндө да тинтүү жүргүзүлдү. Ал камерага иш «массалык башаламандыкты уюштурууга» байланыштуу экенин айтууга үлгүрдү. Журналистти ИИМдин тергөө бөлүмүнө суракка алып кетишти.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18