USD87.45EUR96.10RUB1.06
24.kg

Бишкекте жердешин кайчы менен сайып жиберген чет элдик жаран кармалды

14:21, 12 января 2024, Бишкек - 24.kg

Ден соолукка оор залал келтирүүгө шектелген жаран кармалды. Бул тууралуу Бишкек шаарынын ички иштер башкы башкармалыгынын басма сөз кызматы билдирди.

Мекеменин маалыматына караганда, 7-январда Мамбет Мамакеев атындагы Улуттук хирургия борборуна курсагына бычак сайылып жана ички кан агуу диагнозу менен чет мамлекеттин жараны түшкөн.

«Милиция чет элдин жараны Б.К. чыр-чатак учурунда А.Р аттуу жердешинин курсагына кайчы менен сайып жибергенин аныктады», — деп билдирди мекеме.

Аталган факты боюнча Кылмыш жаза кодексинин 130-беренесине (Ден соолукка оор залал келтирүү) ылайык кылмыш иши козголду. 1990-жылы туулган Б.К аттуу жаран кармалып, убактылуу кармоочу жайына киргизилди.

Учурда тергөө иши уланып жатат, бардык экспертизалар дайындалды.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18