USD87.45EUR96.10RUB1.06
24.kg

УКМК: Терроризм актылары тууралуу жалган маалымат бергендер кармалды

16:56, 29 декабря 2023, Бишкек - 24.kg

Кыргызстандын аймактарында жардыруучу заттар коюлган деген анонимдүү телефон чалууларды жасаган төрт өспүрүм кармалды. Бул тууралуу УКМКнын басма сөз кызматы билдирди.

УКМК 30-ноябрда жана 18-декабрда Бишкек шаарындагы мектептерде жардыруучу түзүлүштөр орнотулгандыгы тууралуу анонимдүү чалуулар келип түшкөнүн белгиледи.

Жүргүзүлгөн ыкчам-издөө иш-чараларынын жүрүшүндө 14, 15 жаштагы өспүрүмдөр кармалды. Алар чет элдик абонент аркылуу анонимдүү чалуулар үчүн буйрутма беришкен.

«Бул аракеттер жеке максаттарга, атап айтканда, бейбаштык мүнөздө окуу процессин үзгүлтүккө учуратууга багытталган», — деп билдирди мекеме.

Учурда ыкчам-иликтөө иш-чаралары жүргүзүлүп, анын жыйынтыгы боюнча тиешелүү чаралар көрүлүп, кармалган жарандар мыйзамга ылайык жазага тартылат.

УКМК бул жосундарды жасоого Кылмыш-жаза кодексинин 259-беренесине («Терроризм актысы жөнүндө атайылап жалган билдирүү») ылайык кылмыш-жаза жоопкерчилиги, 5 жылга чейинки мөөнөткө эркиндигинен ажыратуу каралганын эскертет.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18