USD87.45EUR96.10RUB1.06
24.kg

93 миллион сомду түзгөн аткезчилик товарлар мамлекеттин пайдасына алынды

15:30, 29 декабря 2023, Бишкек - 24.kg

Баткен облусунда контрабандалык жүктөрдү мыйзамсыз ташуу үчүн түзүлгөн ири каналга бөгөт коюлду. Бул тууралуу УКМКнын басма сөз борборунан билдиришти.

Маалыматка ылайык, кыргыз-өзбек мамлекеттик чек арасы аркылуу 93 миллион 441 миң 460 сомго (4 миң 378 телевизор, 3 миң 162 уюлдук телефон, 265 дөңгөлөк, 2,5 тонна жез жана башкалар) аткезчилик товарлардын ири партиясын алып өтүүгө аракет кылышкан.

18-майда Кадамжай райондук сотунун чечими менен товар мамлекеттин пайдасына конфискацияланган. Алар кылмыш ишинин катышуучуларына таандык болгон. Шектүүлөр кызмат адамына пара берүүгө аракет кылып, күнөөлүү деп табылган. Алар 1 миллион 550 сом айыпка жыгылган. Ошондой эле акцизсиз тамекилерди сатуу фактысы аныкталып, 8 миллион 804 миң 220 сом айып салынган.

Мамлекеттик мүлктү башкаруу боюнча мамлекеттик агенттик конфискацияланган товарларды мамлекеттин пайдасына сатуу үчүн мамлекеттик ишканаларга өткөрүп берет.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18