USD87.45EUR96.10RUB1.06
24.kg

УКМК патент төлөмдөрүн мыйзамсыз ыйгарып алган салык кызматкерлерин кармады

14:38, 29 декабря 2023, Бишкек - 24.kg
Замира НИЯЗБЕКОВА

Патент төлөмдөрүн мыйзамсыз ыйгарып алган Мамлекеттик салык кызматынын кызматкерлери кармалды. Бул тууралуу УКМКнын басма сөз кызматы билдирди.

Маалыматка ылайык, УКМК тарабынан Кылмыш-жаза кодексинин 337-беренесинин негизинде (Кызматтык абалын кыянаттык менен пайдалануу) козголгон кылмыш ишинин алкагында Базар-Коргон районунун соода-базар комплексинин ишкерлеринин жана соодагерлеринин патенттерине төлөнчү акчаларды салык инспекторлору системалуу түрдө чогултуп, өздөрүнө ыйгарып алып жүргөн туруктуу коррупциялык схемага бөгөт коюлду.

Соттун санкциясы Базар-Коргон району боюнча Мамлекеттик салык кызматынын бөлүм башчысы жана райондун соода базарларын көзөмөлдөгөн эки инспектору кармалып, тергөө абагына киргизилди.

«Мамлекеттик бюджетке зыян келтирилип, учурда анын көлөмү такталууда», — деп айтылат маалыматта.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18