USD87.45EUR96.10RUB1.06
24.kg

Ошто адам уурдоо боюнча 2021-жылдан бери издөөдө жүргөн жаран кармалды

17:34, 27 декабря 2023, Бишкек - 24.kg
Замира НИЯЗБЕКОВА

Ош облусунун Өзгөн районунда адам уурдоо боюнча 2021-жылдан бери издөөдө жүргөн жаран кармалды. Бул тууралуу УКМКнын пресс-борбору билдирди.

Маалыматта белгиленгендей, 2020-жылдын декабрь айында О.Б.Н. аттуу жаран жана уюшкан кылмыштуу топтун башка мүчөлөрү Баткен районунун тургуну Х.А.М.дан 20 миң доллар талап кылышкан.

«Жүргүзүлгөн ыкчам-издөө иш-чараларынын натыйжасында Х.А.М.ды уурдап салып кеткен «Мерседес-Бенц» үлгүсүндөгү унаа аныкталып, УКМКнын унааны токтотуу боюнча мыйзамдуу талаптарына уурулар тарабынан каршылык көрсөтүлгөн. Жогоруда аталган О.Б.Н. качып кетүүгө үлгүрүп, издөөгө алынган», — деп айтылат маалыматта.

Көрүлгөн ыкчам-иликтөө иш-чараларынын жүрүшүндө шектүүнүн жүргөн жери аныкталып, 23-декабрда кармалды. Ал УКМКнын тергөө абагына киргизилди.

Учурда бул топтун башка кылмыш иштерин аныктоо боюнча тергөө жана ыкчам издөө иш-чаралары жүргүзүлүүдө.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18