USD87.45EUR96.10RUB1.06
24.kg

Садыр Жапаров КМШ лидерлеринин бейформал жолугушуусуна катышты

11:02, 27 декабря 2023, Бишкек - 24.kg

Садыр Жапаров КМШ лидерлеринин бейформал жолугушуусуна катышты

Президент Садыр Жапаров Санкт-Петербург шаарында Көз карандысыз Мамлекеттер Шериктештигине кирген өлкөлөрдүн лидерлеринин бейформал жолугушуусуна катышты. Бул тууралуу өлкө башчысынын басма сөз кызматы билдирди.

Бейформал жолугушуу «Павловск» музейинде коруктун белгилүү сарай-сейил бак комплекстерин кыдыруу менен башталды. Лидерлер «Царское село» жана Петергофто болушту.

Тааныштыруучу экскурсияга Россиянын президенти Владимир Путин, Азербайжандын президенти Ильхам Алиев, Беларустун президенти Александр Лукашенко, Казакстандын президенти Касым-Жомарт Токаев, Кыргызстандын президенти Садыр Жапаров, Тажикстандын президенти Эмомали Рахмон, Түркмөнстандын президенти Сердар Бердымухамедов, Өзбекстандын президенти Шавкат Мирзиёев жана Армениянын премьер-министри Никол Пашинян катышты.

Андан кийин КМШ өлкөлөрүнүн лидерлери Константинов сарайына барышты. Владимир Путин куттуктоо сөзүн айтып, Санкт-Петербургга жаңы жыл алдындагы салттуу бейформал жолугушууга келишкени үчүн ыраазычылык билдирди.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18