USD87.45EUR96.10RUB1.06
24.kg

Жаңы жылдык майрамдарда 10 миңдей укук коргоо кызматкери коопсуздукту камсыздайт

14:40, 26 декабря 2023, Бишкек - 24.kg

Жаңы жылдык майрамдарда 10 миңден ашуун укук коргоо кызматкери коопсуздукту камсыздайт. Бул тууралуу Акылбек Жапаров билдирди.

Министрлер кабинетинин төрагасы коомдук тартипти жана коопсуздукту камсыздоого тартылган ички иштер органдарынын гарнизондук саптык тизимине катышты.

«Ар бир милиция бөлүмдөрүнө атайын камералар орнотулуп, катардагы кызматкерлерге төш-камералары берилди. Ар бир жарандын коопсуздугун камсыздоо үчүн санариптик технологиялар киргизилди. Акыркы 2 жылда 300дөн ашуун автотранспорт сатып алынып, ар бир райондук, шаардык ички иштер бөлүмдөрүндөгү унаалар жаңыланды. Бүгүнкү күндө 36 жаңы унаа Ички иштер министрлигине өткөрүлүп берилди, жакынкы аралыкта дагы 50 жаңы унаа келет», — деп белгиледи Акылбек Жапаров.

Ал укук коргоо органдарынын кызматкерлерине кайрылып, жумушка ак ниет жана толук жоопкерчилик менен мамиле кылууну суранды.

«Өлкөбүздүн жарандары өздөрүн толук коопсуз сезиши керек», — деп сөзүн жыйынтыктады Акылбек Жапаров.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18