USD87.45EUR96.10RUB1.06
24.kg

Сузак районунда тергөө абагынын жаңы имараты ачылды

15:11, 25 декабря 2023, Бишкек - 24.kg

Жаңы тергөө абагынын имараты

Министрлер кабинетинин төрагасы Акылбек Жапаров Сузак районундагы № 53 тергөө абагынын жаңы имаратынын ачылышына катышты. Бул тууралуу министрлер кабинетинин басма сөз кызматы билдирди.

Акылбек Жапаров изолятор Жалал-Абаддан Сузак районуна көчүрүлгөнүн белгиледи.

«Жазаларды аткаруу тутумунда масштабдуу өзгөрүүлөр бар: шаарлардагы түзөтүү мекемелери алардын сыртына чыгарылат. Бошотулган шаардык инфраструктура административдик имараттарды, скверлерди жана турак жайларды куруу үчүн колдонулат», — деди ал.

Ал аялдар жана жашы жете электер кармалган № 53 тергөө абагынын абалы талапка жооп бербегенин белгиледи.

Жаңы имарат 364 миллион сомго курулду.

Акылбек Жапаров Жалал- Абаддагы Жазаларды аткаруу кызматынын № 10 түзөтүү мекемеси жана кайтаруу, күзөтүү департаментинин № 5 батальонунун имараттарын бузуу иштери менен таанышты.

Алардын ордуна административдик имараттар жана сквер курулат.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18