USD87.45EUR96.10RUB1.06
24.kg

Ысык-Көлдө жергиликтүү тургундун үйүнөн ок-дарылардын арсеналы табылды

15:44, 20 декабря 2023, Бишкек - 24.kg
Замира НИЯЗБЕКОВА

Ысык-Көлдө жергиликтүү тургундун үйүнөн ок-дарылардын арсеналы табылды. Маалыматты Ички иштер министрлигинин басма сөз кызматы билдирди.

Ага ылайык, ноябрь айында Ак-Суу райондук милициясына райондун тургундарынын бири өз үйүндө ок атуучу куралдарды жана ок-дарыларды мыйзамсыз сактап жүргөндүгү тууралуу маалымат түшкөн.

Маалымат райондук милициясына катталып, куралды, ок-дарыларды мыйзамсыз жүгүртүү беренеси боюнча кылмыш иши козголгон.

«Көрсөтүлгөн адам Ичке-Жергез айылынын 47 жаштагы Д.Т. аттуу тургуну болуп чыкты. Тинтүү учурунда милиция кызматкерлери тарабынан эки «ТОЗ-8» үлгүсүндөгү ок атуучу куралдары, 10 даана 7,62 калибрдеги жана 10 даана 5,45 калибрдеги октор, бир бычак, бир окуу гранатасы жана баштыкка салынган жапайы кара куурайдын өзгөчө жыты бар кургатылган түрү алынган. Өсүмдүктүн салмагы 1 килограмм 250 граммды түздү», — деп айтылат маалыматта.

Соттук-баллистикалык жана соттук-химиялык экспертизалар дайындалды.Тергөө амалдары уланууда.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18