USD87.45EUR96.10RUB1.06
24.kg

Айсулуу Тыныбекова кыз-келиндер күрөшү боюнча жылдын мыкты балбаны деп табылды

11:07, 20 декабря 2023, Бишкек - 24.kg

Айсулуу Тыныбекова Күрөш дүйнөсү уюмунун (UWW) версиясы боюнча кыз-келиндер күрөшүнөн 2023-жылдын мыкты балбаны деп табылды.

Бул жылы кыргызстандык спортчу 95 миң 575 балл менен дүйнөлүк рейтингде биринчиликке чыкты. Эске салсак, Айсулуу Тыныбекова дүйнө чемпионатын, Азия чемпионатын, Венгрия менен Египетте өткөн рейтингдик турнирлерди жеңип, Кытайдагы Азия оюндарында коло медаль тагынган.

Айсулуу Тыныбекова Кыргызстандагы эң көп жеңишке жеткен спортчулардын бири. Ал Токио-2020 Олимпиадасында күмүш медалга ээ болгон. Өткөн жылы Улан-Батордо күрөш боюнча Азия чемпионатында күмүш медаль алган, 2023-жылы Астанада алтын тагынган. Айсулуу Тыныбекова Азияда кыз-келиндер күрөшү боюнча мыкты спортчу деп табылган.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18