USD87.45EUR96.10RUB1.06
24.kg

Кыргыз жарандарына Кытайдын визасын берүү тартиби жөнөкөйлөштүрүлдү

17:37, 18 декабря 2023, Бишкек - 24.kg

Кыргызстандын жарандары үчүн Кытай визасын берүү тартиби жөнөкөйлөштүрүлдү. Бул тууралуу Тышкы иштер министрлиги билдирди.

17-декабрдан баштап Кытайдын элчилиги виза алууга документтерди тапшыруу үчүн милдеттүү алдын ала электрондук каттоо талабын жокко чыгарды. Консулдук бөлүм белгиленген күндөрдө жана сааттарда кезек күтүү тартибинде кабыл алат.

Мындан тышкары, Кыргызстандын ишкерлерине, ошондой эле Кытайга иш сапары менен же маданий, илимий, билим берүү иш-чараларына катышуу максатында бара турган жарандарга виза алуу үчүн атайын штрих-код менен кытай тараптан чакыруу алып келүү талабы жоюлду.

Кыргызстандын жарандары чакыруусу, Кыргыз Республикасынын ыйгарым укуктуу мамлекеттик органдарынын өтүнүчү/кайрылуусу болгон учурда Кытайдын тийиштүү категориядагы визасын алуу үчүн кайрыла алышат.

Министрлик үстүбүздөгү жылдын 7-ноябрынан баштап апостиль болгон учурда Кытайдын аймагында колдонула турган документтер үчүн консулдук легалдаштыруу талап кылынбай турганын эскертет.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18