USD87.45EUR96.10RUB1.06
24.kg

Кыргызстанда энелердин өлүмү азайды

14:20, 14 декабря 2023, Бишкек - 24.kg

Кыргызстанда энелердин өлүмү азайды. Бул тууралуу саламаттык сактоо министринин биринчи орун басары Медер Исмаилов маалымат жыйында билдирди.

Анын айтымында, эне-баланын саламаттыгын коргоо министрликтин ишиндеги артыкчылыктуу багыттардын бири болуп саналат.

«Тогуз ай ичиндеги ыкчам маалыматтар боюнча энелердин өлүмү былтыркыга салыштырмалуу 20,2 пайызга азайды. Ымыркайлардын өлүмү ошол эле деңгээлде калууда», — деди Медер Исмаилов.

Ал кошумчалагандай, балдарга медициналык жардам көрсөтүүнү жакшыртуу үчүн октябрь айынан бери Бишкекте төрт поликлиникалык бөлүм иштеп жатат. Ош облустар аралык бириккен балдар ооруканасынын клиникалык-диагностикалык бөлүмү кеңейтилип жатат.

2024-жылдын башында Бишкек шаардык саламаттыкты сактоо башкармалыгынын имаратында дагы бир балдар бейтапканасы ачылат. Азыр оңдоо иштери жүрүп жатат.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18