USD87.45EUR96.10RUB1.06
24.kg

Бишкекте унаа оңдоочу жайдан өрт чыкты

09:34, 08 декабря 2023, Бишкек - 24.kg

Бишкек шаарынын Биринчи Май районундагы Лев Толстой көчөсүндө жайгашкан унаа оңдоочу жайдан өрт чыкты. Бул тууралуу Өзгөчө кырдаалдар министрлигинин басма сөз кызматы билдирди.

Маалыматка ылайык, 7-декабрда өрт чыккандыгы тууралуу билдирүү түшкөн. Үч күжүрмөн эсеп жана штаб жөнөтүлүп, саат 22:13тө толук өчүрүлдү.

«Кырсыктын кесепетинен унаа оңдоочу жайга жанаша салынган жатакана түтүнгө толуп, мында жашаган чет элдик 40 жаран куткаруучулардын жардамы менен коопсуз жайга эвакуацияланды. Бөлмөдө калып калган дагы бир адамды газ түтүндөн сактоо тобу алып чыгып, ага алгачкы жардам көрсөтүшкөн. Учурда анын абалы жакшы», — деп билдирди мекеме.

Унаа оңдоочу жайдын болжол менен 40 чарчы метри өрттөнгөн. Учурда кырсыктын келип чыгуу себептери жана материалдык чыгымдары такталууда.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18