USD87.45EUR96.10RUB1.06
24.kg

Бишкекте «Вок лагман» тез тамактануучу жайында жапырт уулануу болду

17:17, 06 декабря 2023, Бишкек - 24.kg

Бишкекте «Вок лагман» тез тамактануучу жайында жапырт уулануу болду. Бул жөнүндө 24.kg агенттигине Оорулардын алдын алуу жана мамлекеттик санитардык-эпидемиологиялык көзөмөл департаментинен билдиришти.

Маалыматка ылайык, натыйжада беш адам жабыркады.

«Уулануунун алгачкы белгилери саат 2.00дө 4-декабрда байкалган. Жабыркагандар медициналык тез жардам алышты. Тамактан уулануу лабораториялык изилдөөлөрдүн жыйынтыгы менен тастыкталды», — деп белгилешти департаменттен.

 Тез тамактануучу жайда пландан тышкары текшерүү жүргүзүлдү. Санитардык мыйзам бузуулар аныкталып, 23 миң сом айып салынды.

«Иликтөөнүн жыйынтыгы боюнча «Вок лагман» фаст-фуд жайында шектүү тамак-аштын калдыктары табылган жок. Уулануунун себебин аныктоо үчүн лабораториялык изилдөөлөр жүргүзүлүүдө», — деп кошумчалады мекеме.

Мамсанэпидкөзөмөл борбору жабыркагандар Киев көчөсү, 95 дареги боюнча тез тамактануучу жайдан лагман сатып жешкенин белгиледи.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18