USD87.45EUR96.10RUB1.06
24.kg

Бишкектин мэри «Дордой Моторс» базарынын соодагерлери менен жолукту

16:13, 04 декабря 2023, Бишкек - 24.kg

Борбор калаанын мэри Айбек Жунушалиев «Дордой Моторс» базарынын соодагерлери менен жолукту. Бул тууралуу мэриянын басма сөз кызматы билдирди.

Маалыматка ылайык, жолугушууга базардын ээси Аскар Салымбеков дагы катышты.

«Ишкерлердин талаптарын уккан муниципалитеттин башчысы андан ары талкуу үчүн Ленин администрациясына чакырды. Айбек Жунушалиев бир катар митингчилердин бул маселени сүйлөшүү жолу менен чечүү пикирине 100 пайыз макул болду», — деп айтылат маалыматта.

Кеңешмеге Ленин районундагы дээрлик бардык базарлардын профсоюз уюмдарынын өкүлдөрү катышты.

Эскерте кетсек, өткөн жумада Бишкектин жана региондордун дээрлик бардык ири базарларында митингдер өттү. Бардык соодагерлер бир эле нерсени талап кылышууда — патенттерди калтыруу жана ККМди киргизбөө. Бирок өлкө бийлиги өз демилгелеринен баш тартпай турганын билдирүүдө.

Президент Садыр Жапаров атайын комиссия түзүп, нааразылык акцияларын иликтөөнү тапшырды.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18