USD87.45EUR96.10RUB1.06
24.kg

Эки кыргыз киносу Alternativa Film Awards конкурсунда сыйлык алды

15:51, 04 декабря 2023, Бишкек - 24.kg

Кыргыз тасмалары Alternativa Film Awards киносыйлыгынын эки номинациясында жеңишке жетти. Сыйлык тапшыруу аземи Алматыда өттү. Бул тууралуу конкурстун сайтында маалымдалды.

Режиссер Мирлан Абдыкалыковдун «Кыз ала качуу» тасмасы буга чейин жалпы коомчулуктун көз жаздымында калган маанилүү теманы же окуяны чагылдырган фильм катары Spotlight номинациясына ээ болду.

Режиссер Дастан Мадалбековдун «Атасынын баласы» кыска метраждуу тасмасы Shorts Award номинациясында жеңүүчү болду. Сыйлык жаңы жолдорду издеп жаткан режиссерлорду колдоого багытталган.

Жалпысынан конкурска 25 мамлекеттен 350дөн ашык тасма катталган. Жалпы байге фонду — 100 миң долларды түздү. Мыктылары алты номинацияда тандалып алынды.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18