USD87.45EUR96.10RUB1.06
24.kg

Амантур Жумаев жаштар арасында бокс боюнча дүйнө чемпиону болду

10:42, 04 декабря 2023, Бишкек - 24.kg

Кыргызстандык спортчу Амантур Жумаев тарыхта биринчи жолу жаштар арасында бокс боюнча дүйнө чемпиону болду. Мелдеш Ереванда өттү. Бул тууралуу Бокс федерациясынан билдиришти.

Ал 52 килограммга чейинки салмак ченинде рингге чыккан. Амантур Жумаев Кыргызстандын эмгек сиңирген машыктыруучу Бейшен Сабатаровдун тарбиялануучусу.

Биринчи беттеште спортчу өзбекстандык Иброхима Гиесов менен беттешип (4:1), жеңишке жетти.

1\8 финалда Германиянын өкүлү Даниэль Дизендорфту утту (ал IBA желеги астында чыккан).

Чейрек финалда мекендешибиз калыстардын чечими менен (4:1) Россия курама командасынын мүчөсү Максим Чаплыгинди жеңди.

Жарым финалда польшалык Оскар Гродзицкий жеңилүү ызаасын тартты.

Ал эми алтын медаль жана дүйнө чемпиону наамы үчүн күрөштө Амантур Жумаев армениялык спортчу Арсен Харатянды утту.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18