USD87.45EUR96.10RUB1.06
24.kg

Алматыда хостелде өрт чыгып, 13 адам каза болду

14:25, 30 ноября 2023, Бишкек - 24.kg

Алматыда хостелде чыккан өрттөн 13 адам каза болду. Бул тууралуу Казакстандын ЖМКлар жазып чыгышты.

Zakon.kz маалымдагандай, каза болгондордун арасында эки чет элдик жаран бар. Алардын бирөөсү өзбекстандык, ал эми экинчиси Саха Республикасынан (Якутия) келген Орусиянын жараны.

Дагы төрт жабырлануучуга тиешелүү медициналык жардам көрсөтүлүп жатат. Үчөөсү амбулатордук дарыланууга жөнөтүлдү.

Өрт бүгүн, 30-ноябрда, Алматыдагы Шарипов көчөсүндөгү хостелде саат 5.33тө чыккан. Расмий маалыматтар боюнча, 13 адам түтүнгө ууланып каза тапты. Имаратта болжол менен 72 адам болгон, 59 киши өз алдынча сыртка чыккан.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18