USD87.45EUR96.10RUB1.06
24.kg

Жыл башынан бери өлкөнүн финансы секторунун кирешеси 91 миллиард сомдон ашты

09:44, 29 ноября 2023, Бишкек - 24.kg

2023-жылдын тогуз айында экономиканын финансы секторунун кирешеси 91 миллиард сомдон ашты. Бул тууралуу Улуттук статистика комитети билдирди.

2022-жылдын ушул мезгилине салыштырмалуу ал 22 пайызга же 16,7 миллиард сомго өстү. Бул негизинен банк секторунун кирешесинин өсүшүнө байланыштуу. Ушул эле убакыт аралыгында финансы секторундагы уюмдардын чыгымдары 58,5 миллиард сомду түзүп, 29 пайызга өскөн.

Финансы секторунун уюмдарынын кардарлар базасы ушул жылдын сентябрь айынын аягында 11 миллиондон ашып, жыл ичинде 4 миллионго көбөйгөн. Анын өсүшү негизинен мобилдик банкинг системасына кошулган банктардын кардарларынын санынын, ошондой эле камсыздандыруу секторунда түзүлгөн келишимдердин санынын өсүшү менен шартталган.

2023-жылдын январь — сентябрь айларынын жыйынтыгы боюнча экономиканын финансы секторунун ишканалары 33 миллиард сомго жакын киреше алган, бул өткөн жылдын деңгээлинен 3,6 миллиардга көп.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18