USD87.45EUR96.10RUB1.06
24.kg

Курч мүнөздөгү респиратордук вирустук инфекция менен жабыркагандардын саны өстү

13:46, 28 ноября 2023, Бишкек - 24.kg

Кыргызстанда 20-ноябрдан 26-ноябрга чейин бир жуманын ичинде курч мүнөздөгү респиратордук вирустук инфекциялардын 5 миң 50 учуру катталды. Бул тууралуу Ооруларды алдын алуу жана жана мамлекеттик санитардык-эпдемиологиялык көзөмөлдөө департаменти билдирди.

Маалымат боюнча, өткөн жумага салыштырмалуу көрсөткүч 13,1 пайызга жогорулаган. Ооругандардын жарымынан көбү 14 жашка чейинки балдар.

 Бир жуманын ичинде Бишкекте төрт COVID-19 учуру катталды.

Белгиленгендей, республика боюнча 87 миң 110 адам сасык тумоого каршы вакцина алган. Бардык аймактарда эмдөө аяктады. Бишкектин алты жеке менчик медициналык борборунан эмдөөнү акы төлөп  алууга болот.

Дарыгерлер респиратордук инфекцияларды алдын алуу чараларын, анын ичинде маска режимин жана социалдык аралыкты сактоого чакырышууда.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18