USD87.45EUR96.10RUB1.06
24.kg

Ысык-Көлдө кыз ала качууга шектелип үч жаран кармалды

16:42, 27 ноября 2023, Бишкек - 24.kg

Ысык-Көлдө кыз ала качууга шектелип үч жаран кармалды. Бул тууралуу аймактын ички иштер башкармалыгы билдирди.

Маалыматка ылайык, 23-ноябрда Бостери айылынын милиция бөлүмүнө Ысык-Көл районунун 20 жаштагы тургунунан арыз түшкөн. Анын айтымында, ошол эле күнү Корумду айылында «Ауди» үлгүсүндөгү унаа менен белгисиз үч адам аны никеге туруу максатында ала качып кетишкен.

Арыз Ысык-Көл райондук ички иштер башкармалыгынын электрондук журналында катталган.

Корумду айылынын үч тургуну кармалып, Бостери айылынын милиция бөлүмүнө жеткирилген. Алдын ала сурак учурунда алар күнөөсүн мойнуна алышкан.

Кармалгандар

Факт боюнча Кылмыш-жаза кодексинин 172-беренесинин (никеге туруу максатында ала качуу) негизинде кылмыш иши козголду.

Ысык-Көл райондук сотунун чечими менен шектүүлөр бир айга камакка алынды.

Тергөө иштери жүрүп жатат.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18