USD87.45EUR96.10RUB1.06
24.kg

ТИМ: Газа тилекесинен кыргызстандын эки жараны эвакуацияланды

09:45, 27 ноября 2023, Бишкек - 24.kg

Газа секторунан Кыргызстандын эки жараны эвакуацияланды. Бул тууралуу Тышкы иштер министрлиги билдирди.

Маалыматка ылайык, Кыргызстандын жарандарынын укуктарын жана кызыкчылыктарын коргоо боюнча иштердин алкагында жана Кыргызстандын Сауд Аравиядагы элчилигинин, Россия Федерациясынын Каирдеги дипломатиялык өкүлчүлүгүнүн биргелешкен аракеттеринин натыйжасында, Палестинадагы туруксуз абалга байланыштуу 24-ноябрда Газа тилкесинен Египет аркылуу эки кыргызстандык эвакуацияланды.

Кыргыз тарап Россияга Газа секторунан Кыргызстандын жарандарын ийгиликтүү алып чыгууга көрсөткөн көмөгү үчүн ыраазычылык билдирет.

ТИМ Газа секторунун аймагынан чыгып кетүүгө ниеттенген Кыргызстандын жарандарын эвакуациялоо боюнча иштер улантыларын билдирди, бирок ал жакта канча адам бар экени тууралуу маалымат берген жок.

Буга чейин Чеченстандын башчысы Рамзан Кадыров Газа тилкесинен жүз орусиялыктан тышкары үч кыргызстандык эвакуацияланганын билдирген.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18