USD87.45EUR96.10RUB1.06
24.kg

Ошто ӨКМдин кызматкерлери үйдүн ичинде камалып калган балдарды алып чыгышты

11:29, 22 ноября 2023, Бишкек - 24.kg

Ошто Өзгөчө кырдаалдар министрлигинин кызматкерлери бекилип калган эшикти ачып, үйдүн ичиндеги кичинекей балдарды куткарышты. Бул тууралуу мекеменин басма сөз кызматы билдирди.

Салиева көчөсүндө жайгашкан көп кабаттуу үйлөрдүн биринде жашаган жаран батирине кире албай калгандыгы тууралуу маалымат түшкөн. Батирдин ичинде сегиз, беш жана эки жашар балдар болгон.

Жерине келген куткаруучулар кол шаймандардын жардамы менен эшикти ачып балдарды чоң атасына өткөрүп беришти. Алар медициналык жардамга муктаж эмес.

Куткаруучулар балдардын жакындары менен профилактикалык баарлашуу өткөрүп, баланы кароосуз калтырбоого чакырышты.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18