USD87.45EUR96.10RUB1.06
24.kg

Кочкор районунда Айсулуу Тыныбекова атындагы спорт борбору ачылат

16:11, 02 ноября 2023, Бишкек - 24.kg

Кочкор районунда Айсулуу Тыныбекова атындагы спорт борбору ачылат. Бул тууралуу президенттин Нарын облусундагы ыйгарым укуктуу өкүлү Алтынбек Эргешов билдирди.

Анын айтымында, долбоор мамлекет башчысынын жана министрлер кабинетинин төрагасынын колдоосу менен ишке ашырылат.

Күрөш боюнча дүйнөнүн үч жолку чемпиону азыр кичи мекенинде жана мектеп окуучулары менен жолугуп, спортчулар үчүн мастер-класстарды өткөрөт.

Буга чейин Бириккен күрөш дүйнөсү (UWW) балбандардын дүйнөлүк рейтингин жарыялаган. Ал Кытайда өткөн Азия оюндарынын жыйынтыгы боюнча түзүлгөн. Сербияда өткөн Дүйнө чемпионатында жеңишке жеткенден кийин Жоламан Шаршенбеков, Акжол Махмудов жана Айсулуу Тыныбекова рейтингде биринчи орунду ээлешти.

Айсулуу Тыныбекова Кыргызстандагы эң көп жеңишке жеткен спортчулардын бири. Ал Токио-2020 Олимпиадасында күмүш медалга ээ болгон. Өткөн жылы Улан-Батордо күрөш боюнча Азия чемпионатында күмүш медаль алган, 2023-жылы Астанада алтын тагынган. Айсулуу Тыныбекова Азияда кыз-келиндер күрөшү боюнча мыкты спортчу деп табылган.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18