USD87.45EUR96.10RUB1.06
24.kg

Жер тилкелерин мыйзамсыз ээлеп алган жергиликтүү кеңештин депутаты кармалды

14:07, 02 ноября 2023, Бишкек - 24.kg

Кыргызстанда жер тилкелерин мыйзамсыз ээлеп алуу фактылары аныкталды. Бул тууралуу Ички иштер министрлигинин басма сөз кызматы билдирди.

Маалыматка ылайык Чүй облусунун тургуну, жергиликтүү кеңештин депутаты өзүнүн ыйгарым укуктарынан пайдаланып, жергиликтүү айыл өкмөтүнө таандык болгон 55 гектар жер участогун пайдаланууга же иштетүүгө тийиштүү документтери жок болгондугуна карабастан, өз алдынча басып алуу жана иштетүү үчүн тааныш адамдарына буйрутма берген.

Топтолгон материалдардын негизинде (бөтөн жер участогун өзүм билемдик менен ээлеп алуу) кылмыш иши козголгон.

Ыкчам-издөө иш-чараларынын жүрүшүндө жергиликтүү кеңештин депутаты жана дыйкан чарбасынын төрагасы болгон Н.С. аттуу жаран кармалып, убактылуу кармоочу жайына киргизилди.

Учурда тергөө иштери жүрүп жатат.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18