USD87.45EUR96.10RUB1.06
24.kg

Садыр Жапаров Монголиянын президентин Кыргызстанга келип кетүүгө чакырды

17:17, 24 октября 2023, Бишкек - 24.kg

Президент Садыр Жапаров жана Монголиянын премьер-министри Лувсаннамсрайн Оюун-Эрдэнэ

Президенти Садыр Жапаров Монголиянын премьер-министри Лувсаннамсрайн Оюун-Эрдэнэни кабыл алды. Бул тууралуу өлкө башчысынын басма сөз кызматы билдирди.

Кыргызстан менен Монголиянын ортосундагы эки тараптуу жана көп тараптуу кызматташтык, анын ичинде соода-экономикалык тармактагы маселелер боюнча пикир алмашуу болду.

 Садыр Жапаров Монголиянын лидерине саламын жолдоп, анын Кыргызстанга мамлекеттик визит менен келүүсүн күтүп жатканын кошумчалады.

Президент кыргыз-монгол мамилелеринин потенциалы эми гана ачыла баштаганын белгиледи. Анын сапаттуу жана маңыздуу толтурулушу үчүн зарыл болгон биргелешкен күч-аракеттерди жумшоо керек. Садыр Жапаров Кыргызстанга тоо-кен өнөр жайына жана айыл чарбасына инвестицияларды тартууда Монголиянын тажрыйбасы пайдалуу болорун билдирди. Республика монгол ишканаларынын, ишкер чөйрөлөрдүн өкүлдөрүнүн өлкөдө бизнес жүргүзүү жана биргелешкен долбоорлорду ишке ашырууга катышуусун колдойт.

Өз кезегинде Монголиянын премьер-министри Лувсаннамсрайн Оюун-Эрдэнэ кыргыз тараптын Кытай, Россия жана Монголия ортосундагы эл аралык автомобилдик каттамдарды өнүктүрүү боюнча өкмөттөр аралык макулдашууга кошулуу демилгесин колдоду.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18