USD87.45EUR96.10RUB1.06
24.kg

Кыргыз-тажик чек ара жаңжалында жаракат алган аскерге эки бөлмөлүү батир берилди

17:28, 19 октября 2023, Бишкек - 24.kg

УКМКнын төрагасы Камчыбек Ташиев 2022-жылдын 16-сентябрындагы кыргыз-тажик чек арасындагы кагылышууда жаракат алган чек арачы Таирбек Инхамовго эки бөлмөлүү батирдин ачкычын тапшырды. Бул тууралуу мекеменин басма сөз кызматы билдирди.

«Камчыбек Ташиев Таирбек Инхамовдун ата-энесине терең ыраазычылык билдирди жана өсүп келе жаткан жаш муундарга үлгү экендигин белгиледи. Согуштук аракеттерге катышкан баатырлардын эмгегин мамлекет эч качан унутпай турганын кошумчалады», — деп айтылат маалыматта.

Маалыматка ылайык Таирбек Инхамов минометтун жарылуусунан эки бутунан катуу жаракат алып, колуна ок тийип, сол көзүнөн ажыраган. Учурда ал ата-энеси менен жашайт.

Эске салсак, былтыр 16-сентябрда Тажикстандын Кыргызстанга кол салуусунан 206 адам жабыркап, 63 адам каза болгон.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18