USD87.45EUR96.10RUB1.06
24.kg

Кыргызстандын Күрөш федерациясынын вице-президенти декабрга чейин камакка алынды

11:22, 13 октября 2023, Бишкек - 24.kg

Кыргызстандын күрөш федерациясынын вице-президенти Ахрор Иминов эки айга камакка алынды. Бул тууралуу 24.kg агенттигине Биринчи май райондук сотунан билдиришти.

Камчы Көлбаевдин уюшкан кылмыштуу тобунун мүчөлөрүн каржылоого шектелип кармалган Ахрор Иминов 4-декабрга чейин камакта болот.

Эскерте кетсек, кармоо Кылмыш-жаза кодексинин 261-беренеси «уюшкан топ түзүү же ага катышуу» боюнча козголгон кылмыш ишинин алкагында жүргүзүлгөн.

УКМКнын маалыматына караганда, күрөш федерациясынын вице-президенти жүктөрдү ташуу жана логистика боюнча бир катар компаниялардын ишмердүүлүгүнө катышып, уюшкан кылмыштуу топтун жалпы кассасы үчүн (жалпы кирешеден болжол менен 30 пайыз) каражат чогултууга катышкан.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18