USD87.45EUR96.10RUB1.06
24.kg

Кыргызстан Таластагы жолду реконструкциялоо үчүн 95 миллион доллар насыя алат

13:58, 11 октября 2023, Бишкек - 24.kg

Жогорку Кеңеш биринчи окууда үч эл аралык донор менен Суусамыр — Талас — Тараз автожолун реконструкциялоо долбоору боюнча 95 миллион долларлык макулдашууну ратификациялады.

Белгилей кетсек, долбоордун ишке ашырылышы үчүн министрлер кабинети Ислам өнүктүрүү банкынан (50 миллион доллар), Сауд өнүктүрүү фондунан (30 миллион доллар), ОПЕК Эл аралык өнүктүрүү фондунан (15 миллион доллар) насыя алат.

Долбоордун жалпы суммасы 105 миллион долларды түзөт. Министрлер кабинети 10 миллион доллар бөлүп берет. Талас облусундагы оңдоло турган жолдун жалпы узундугу 93 километр.

Транспорт министри Тилек Текебаев долбоор 2025-2027-жылдары ишке ашырылышы керек экенин белгиледи.

«Биз график боюнча алдыдабыз. Эгер келишимди ратификациялап алсак, 2024-жылы жолду реконструкциялоону баштайбыз жана эки жылдын ичинде бүтүрөбүз», — деди министр.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18