USD87.45EUR96.10RUB1.06
24.kg

Жаран мурунку аялынын бетин жана моюнун кескилеп салган

16:20, 20 сентября 2023, Бишкек - 24.kg

Чүй облусунун Селекция айылында мурунку күйөөсү аялдын бетин жана моюнун кескилеп салган. Саламаттык сактоо министрлиги жабырлануучунун абалы боюнча 24.kg агенттигине комментарий берди.

Мекеменин маалыматына ылайык, бейтап бүгүн саат 11.00дө жалпы дарыгердик практика борборунан Улуттук госпиталга которулду. Ага «беттин жана моюндун кесилген жаралары» диагнозу коюлган.

«Саат 11:30да бейтап хирургдар жана микрохирургдар катышкан операцияга алынган. Азыр операция уланууда, дарыгерлер жабырлануучунун органдарын сактап калуу үчүн бардыгын жасап жатышат. Бейтаптын операциядан кийинки абалы боюнча кошумча маалымат берилет», — деп белгилешти министрликтен.

Кармалган жаран

Милицияга 20-сентябрда билдирүү түшкөн. Анда 36 жаштагы аял бычактан жаракат алып ооруканага түшкөнү кабарланган. Факт Кылмыш-жаза кодексинин 130-беренеси «ден соолукка оор залал келтирүү» боюнча катталып, кылмыш иши козголду. Аталаган факт боюнча 39 жаштагы эркек киши кармалып, убактылуу кармоо жайына киргизилди. Тергөө уланууда.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18