USD87.45EUR96.10RUB1.06
24.kg

Дүйнөгө белгилүү балерина кыргызстандык артисттер үчүн мастер-класс өткөрөт

15:00, 20 сентября 2023, Бишкек - 24.kg

Италиялык легендарлуу балерина Лилиана Кози 22-23-сентябрда Бишкекке келет. Бул тууралуу Абдылас Малдыбаев атындагы Кыргыз опера жана балет театрынан билдиришти.

Уюштуруучулардын бири Кыргызстандын Италиядагы элчиси Таалай Базарбаев. Ал таланттуу бийчи Чолпонбек Базарбаевдин уулу. Чолпонбек Базарбаев 1977-жылы советтик искусство чеберлеринин Италиядагы көрсөтүүсүнө катышып, "Лебединое озеро"спектаклинде Лилиана Кози менен дуэт жараткан.

Лилиана Кози атактуу "Ла Скала" театрында прима-балерина болгон. Азыр ал Италиянын «Классикалык Кози — Стефанеску балети» бий академиясынын негиздөөчүсү жана көркөм жетекчиси.

Лилиана Кози Кыргыз улуттук академиялык опера жана балет театрынын балет труппасы үчүн мастер-класс өткөрөт, анын жыйынтыгында Италиядагы балет академиясында акысыз билим алуу үчүн бийчилерди тандап алат.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18