USD87.45EUR96.10RUB1.06
24.kg

Европадагы украин качкындарынын саны 10 миллионго жетти

11:01, 20 сентября 2023, Бишкек - 24.kg

Орусия согуш ачкандан бери Европага баш калка издеп кеткен украиналык качкындардын саны 10 миллионго жетти. Бул тууралуу Европа Биримдигинин (ЕБ) ички рынок боюнча комиссары Тьерри Бретон Франциянын Sud Radio каналына курган маегинде билдирди.

Бретон качкындарды кабыл алууга Польша, Венгрия жана Чехия жигердүү катышып жатканын айтты. Анын белгилешинче, Чехияда эле украиналык бозгундар 440 миңди түзөт.

Буга чейин Еврокомиссия Орусиянын Украинага каршы агрессиясынан качкан адамдарды убактылуу коргоо механизмин 2024-жылдын 4-мартынан 2025-жылдын 3-мартына чейин узарткан.

Украиналык качкындарды убактылуу коргоонун бир жылдык механизми алгач 2022-жылдын 4-мартында күчүнө кирип, кийин дагы бир жылга узартылган эле.

Качкындарга ЕБ өлкөлөрүндө жашоого, иштөөгө, балдардын билим алышына, социалдык, медициналык жана башка жардам түрлөрүн алууга укук берилет.

Орусия былтыр 24-февралда Украинага кол салган. Муну Москва «атайын операция» деп атоодо. Дүйнө коомчулугу Кремлди агрессор катары айыптап жатат.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18