USD87.45EUR96.10RUB1.06
24.kg

Чек ара жаңжалында жаракат алган ефрейторго батир берилди

16:30, 19 сентября 2023, Бишкек - 24.kg

УКМКнын төрагасы Камчыбек Ташиев 2022-жылдын 16-сентябрында Тажикстандын кол салуусу учурунда жаракат алган ефрейтор Дастан Шариповго Бишкектеги үч бөлмөлүү батирдин ачкычын тапшырды. Бул тууралуу аталган мекеменин басма сөз кызматы билдирди.

Дастан Шарипов кыргыз-тажик чек арасындагы кагылышууда минометтун жарылышынан оң бутунан жаракат алып, сол буту күйгөн. Чек арачы уулун тарбиялап, ата-энеси менен жашайт.

Атайын кызматтын төрагасы Дастан Шариповдун ата-энесине көрсткөн эрдиги үчүн ыраазычылык билдирди.

Камчыбек Ташиев жана Дастан Шарипов

Белгилей кетсек, июнь айында депутат Камила Талиева чек арадагы чыр-чатак учурунда жаракат алган ефрейтор Дастан Шарипов майыптыгын каттай албай жатканын билдирген.

Эске салсак, былтыр 16-сентябрда Тажикстан Кыргызстанга басып киргенде 206 адам жабыркап, 63 адам каза болгон.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18