USD87.45EUR96.10RUB1.06
24.kg

«Тулпар». Бишкекте жол киренин накталай эмес төлөм көрсөткүчү беш эсеге өстү

09:34, 15 сентября 2023, Бишкек - 24.kg

Бишкекте муниципалдык коомдук транспортто накталай эмес төлөм киргизилгенден бери карта менен төлөө беш эсе өстү. Бул жөнүндө 24.kg агенттигине «Тулпар» долбоорунун маалымат каражаттары менен иштөө боюнча адиси Бекжан Акматбеков билдирди.

Анын айтымында, 20-августка чейин орточо эсеп менен 20-25 миң накталай эмес төлөм аракеттери катталган. Азыр бул көрсөткүч күнүнө 105-110 миңди түзөт.

Эскерте кетсек, 20-августтан тарта борбор калаада муниципалдык коомдук транспортто жүрүү үчүн накталай акча төлөөгө тыюу салынган. Мэрия айдоочуларды жол кирени накталай акча менен алса жумуштан кетирерин эскерткен.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18