USD87.45EUR96.10RUB1.06
24.kg

Өмүрбек Бакиров добуш сатып алууга айыпталып жатат

09:33, 30 августа 2023, Бишкек - 24.kg

Мурунку депутат Өмүрбек Бакиров Ош облустук ИИБден сурактан чыкканын 24.kg агенттигине кабарлады.

Анын айтымында, милиция парламенттик шайлоодо добуштарды сатып алуу боюнча кылмыш ишин козгоду.

«Сурак төрт саат болду. Мен ачыкка чыгарбоо тууралуу кол коюп бердим, бирок бул жерде эч кандай сыр жок. Мени добуш сатып алуу фактысы боюнча айыптап жатышат. Мен айыпталуучу катары сурак бердим», — деп айтты ал.

Буга чейин БШК Өмүрбек Бакировду депутаттык мандантынан ажыраткан. Ал эми 18-августта Жогорку сот Бакиров шайланган Көк-Жар аймагы боюнча шайлоонун жыйынтыгын жокко чыгарган чечимди күчүндө калтырган. 29-августта аны Ош ИИБне суракка алып кетишкен.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18