USD87.45EUR96.10RUB1.06
24.kg

УКМК Олжобай Шакирдин иши боюнча маалымат берди

11:23, 25 августа 2023, Бишкек - 24.kg

О.Э. аттуу жаранга Кылмыш-жаза кодексинин «бийлик өкүлдөрүнүн мыйзамдуу талаптарына активдүү баш ийбөөгө жана массалык башаламандыкка чакыруу» беренеси боюнча айып тагылды. Бул тууралуу УКМКнын басма сөз кызматы билдирди.

Мекеменин маалыматына ылайык, О.Э. аттуу жаран социалдык тармактардын активдүү колдонуучусу катары өзүнүн баракчаларына бийлик өкүлдөрүнүн мыйзамдуу талаптарына активдүү баш ийбөөгө жана массалык башаламандыкка чакырган билдирүүлөрдү жарыялап турган.

«Текшерүүнүн жүрүшүндө О.Э. нын сөздөрүндө массалык башаламандык уюштурууга, ошондой эле бийликти күч менен басып алууга жана конституциялык түзүлүштү өзгөртүүгө чакырыктар бар экендиги жөнүндө эксперттик корутунду алынган. Козголгон кылмыш ишинин алкагында О.Э. аттуу жаран кармалып, андан кийин УКМКнын тергөө абагына киргизилди», — деп билдиришти мекемеден.

Билгилей кетсек, сөз журналист Олжобай Шакир тууралуу болуп жатат (паспорт боюнча Олжобай Эгембердиев).

Эске салсак, журналист Олжабай Шакирди УКМКнын кызматкерлери кармашкан. Ал укук коргоо органдарынын кызматкерлерине активдүү баш ийбөөгө чакыруу, массалык башаламандык жана бийликти басып алууга аракет жасаган деп айыпталууда.

Буга чейин Олжобай Шакир жарандарды митингге чыгууга чакырган. Ал 31-августта нааразылык акциясын уюштурууну демилгелеп жаткан. Журналист Ысык-Көлдөгү төрт пансионатты Өзбекстанга өткөрүп берүүгө каршы экенин билдирген.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18