USD87.45EUR96.10RUB1.06
24.kg

Садыр Жапаров тазалыкты сактоого чакырган видео жарыялады

15:16, 16 августа 2023, Бишкек - 24.kg

Президент Садыр Жапаров өзүнүн Facebook баракчасында тазалыкты сактоого чакырып, видео жарыялады. Бишкек — Ош жолунда улгайган апанын таштанды чогулткан тасмасын буга чейин социалдык тармактардын колдонуучулары бөлүшкөн.

«Балдарым, таштанды таштабагыла. Президент айтып жатат, тазалык керек. Көк-Бел ашуусундагы Бишкек — Ош жолунда терип жатам. Кыздарым, уулдарым, уят болот. Тазалыкты сактагыла», — деп айткан чоң апа.

Белгилей кетсек, буга чейин өлкө башчысы бир нече жолу кыргызстандыктарды Ысык-Көлдө эс алуу учурунда жана анын айланасында тазалыкты сактоого чакырган. Ал «Улуттук тазалык күнү жөнүндө» жана «Ысык-Көлдүн экологиясын сактоо боюнча кечиктирилгис чаралар жөнүндө» жарлыктарга кол койгон. Ошондой эле, «Таза мурас» программасын өткөрүү боюнча иш-чаралар планы иштелип чыккан.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18