USD87.45EUR96.10RUB1.06
24.kg

Жарым жылда Кыргызстанга 2,1 миллиард киловатт саат электр энергиясы импорттолду

10:54, 16 августа 2023, Бишкек - 24.kg

2023-жылдын январь айынан июнга чейин Кыргызстан 2 миллиард 104,1 миллион киловат саат электр энергиясын сатып алган. Мындай маалыматтарды Улуттук статистика комитети келтирди.

Бул көрсөткүч өткөн жылга салыштырмалуу 513,3 миллион киловатт саатка өскөн. Эң көп электр энергиясы Түркмөнстандан импорттолгон — 1 миллиард 7,5 миллион киловатт саат. Мындан тышкары, республика 667,5 миллион киловатт саат Казахстандан, 283,4 миллион киловатт саат Россиядан, 145, 6 миллион киловатт саат Өзбекстандан сатып алган.

Импорттолгон электр энергиясынын жалпы баасы дээрлик 5 миллиард сомду түздү.

Демек, бир киловатт орто эсеп менен 2,4 сомго бааланган. Ошол эле учурда, Түркмөнстан жана Казахстандан электр энергиясы 2,6 сомдон, Россиядан 2,09 сомдон сатылып алынган.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18